Juft sonlar —  bu juft-juft qilib guruhlash mumkin bo`lgan sonlar. Ya`ni juft sonlarni juftliklar qilib taqsimlasak, hech narsa ortib qolmaydi.

Masalan:

$\mathbf{2}$ ta olma: $1$ ta olma $+1$ ta olma $=2$ ta olma.

$\mathbf{4}$ ta daftar: 2 ta daftar $+2$ ta daftar $=4$ ta daftar.

Toq sonlar — bu juft-juft qilib guruhlab bo‘lmaydigan sonlardir. Ya`ni toq sonlarni juftliklar qilib taqsimlaganda, har doim bitta ortib qoladi.

Masalan:

$\mathbf{3}$ ta ruchka: $2$ ta ruchka $+1$ ta ruchka $=3$ ta ruchka.

$\mathbf{5}$ ta mashina: $2$ ta mashina $+2$ ta mashina $+1$ ta mashina $=5$ ta mashina.

Quyidagi rasmda sonlari juft va toq bo`lgan buyumlar tasvirlangan.

Quyidagi jadvalda esa bir nechta juft va toq sonlar berilgan.

Juft va toq sonlar ni bilish orqali biz:

• Narsalarni juftliklar qilib taqsimlashni o‘rganamiz.
• Matematik masalalarni osongina hal qilishni bilib olamiz.
• Hayotimizda tartib saqlashni o‘rganamiz.

Bugun biz birgalikda juda qiziqarli va muhim mavzuni — juft va toq sonlar ni o‘rgandik! Sizlar endi juft va toq sonlarning farqini bilasiz, ularni qanday ajratishni ham yaxshi tushungansiz.

Endi sizlar uyda yoki maktabda narsalarni sanashda, juft va toq sonlarni ajratishda bugungi bilimlaringizdan foydalanishingiz mumkin. Har safar sonlarni eshitganda yoki ko‘rganda, ular juftmi yoki toqmi, deb o‘ylab ko‘ring!