Vaqt — bu biror narsaning davomiyligi yoki o‘tgan muddat.

Vaqtni o‘lchash — bu biror voqeaga ketgan vaqtni bilish demakdir.

Soat — bu vaqtni ko‘rsatadigan asbob. Soatni o‘qishni o‘rganish orqali siz har qanday vaqtni aniqlashingiz mumkin.

Soatning qismlari:

• Katta strelka: Minutni ko‘rsatadi.
• Kichik strelka: Soatni ko‘rsatadi.

Vaqtni raqamlar bilan yozish uchun avval soat, keyin ikki nuqta, keyin minut yoziladi.

$\mathbf{Soat}\mathbf{:}\mathbf{minut}$

Biz vaqtni turli birliklar bilan o‘lchaymiz: sekund , minut , soat , kun , hafta , oy , yil .

Keling, vaqt o`lchov birliklarining har biri bilan yaqindan tanishib chiqamiz.

Sekund (s) – eng kichik vaqt o‘lchov birligi. Qo‘lingizni bir marta qarsak chalsangiz, taxminan $1$ sekund o‘tadi.

Minut (min) – $1$ minut ichida $60$ sekund bor.

Soat (h) – $1$ soatda $60$ minut bor.

Ushbu birliklar orasida quyidagi munosabatlar o`rinli.

Bundan tashqari kattaroq vaqt o`lchovlari ham bor. Ular bilan ham tanishib chiqamiz.

Kun – $1$ kunda $24$ soat bor.

Hafta – $1$ haftada $7$ kun bor.

Oy – $1$ oyda $30$ yoki $31$ kun (fevralda esa $28$ yoki $29$ kun) bor. $1$ oy $4$ ta to`liq haftadan iborat.

Ushbu vaqt birliklari orasida esa quyidagi munosabatlar o`rinli.

Endi esa sizlar bilan birgalikda eng katta vaqt birliklarini o`rganamiz.

Fasl – $1$ fasl $3$ oydan iborat.

Yil – $1$ yilda $12$ oy yoki $365$ kun bor (kabisa yilida $366$ kun). $1$ yil $4$ fasldan iborat.

Asr – $1$ asr $100$ yildan iborat.

Ushbu vaqt birliklari orasidagi munosabatni jadvalga yozamiz.

Bu mavzuni bilish orqali biz:

• Hayotda kundalik foydalanadigan vaqtni to‘g‘ri hisoblashni o‘rganamiz.
• Dars jadvallarini, safarlarni va boshqa rejalarni tuzishda vaqt birliklarini to‘g‘ri qo‘llashni o‘rganamiz.

"Vaqt – inson hayotining eng katta boyligidir. Uni yo‘qotgan odam, boyligini yo‘qotgan odam bilan barobardir."

Abu Rayhon Beruniy