$\mathbf{Uzunlik}\mathbf{.}\mathbf{Santimetr}$

Uzunlik — bu biror narsaning necha qadar uzun yoki qisqa ekanligini bildiradi. Masalan:

• Daftar qanchalik uzun?
• Stol qanchalik keng?
• Qalam qanchalik uzun?

Santimetr — bu uzunlikni o‘lchash uchun ishlatiladigan eng kichik birliklardan biri. Biz uni qisqacha $\mathbf{cm}$ deb belgilaymiz.

Chizg'ichda raqamlar orasidagi masofa $1$ santimetrni anglatadi.

Misol: Agar bitta katakning uzunligi $1\mathrm{cm}$ bo'lsa, ruchkaning uzunligini toping.

Ruchkaning uzunligini topish uchun ruchka joylashgan kataklarni sanaymiz.

Natija: Ruchka joylashgan kataklar soni $7$ ta bo'lganligi uchun uning uzunligi $7\mathrm{cm}$ bo'ladi.

$\mathbf{Kesmalarni}{\mathbf{o}}^{\mathbf{\text{'}}}\mathbf{lchash}$

Kesmalarni o'lchashda chizg'ichdan foydalanamiz.

1) Kesmaning boshini chizg'ichning $0$ raqamiga to'g'rilaymiz.

2) Kesmaning oxiri chizg'ichning qaysi raqamiga to'g'ri kelishini aniqlaymiz.

 Kesmaning oxiri $5$ raqamiga to'g'ri kelganligi uchun kesmaning uzunligi $5\mathrm{cm}$ bo'ladi.

$\mathbf{Santimetr}\mathbf{.}\mathbf{Detsimetr}$

Detsimetr uzunlik o'lchovi birliklaridan biri. U qisqacha $\mathbf{dm}$ deb yoziladi.

$1$ detsimetr - bu $10$ santimetrga teng.

$1\mathrm{dm}=10\mathrm{cm}$

$\mathbf{Detsimetr}\mathbf{bilan}\mathbf{santimetr}\mathbf{orasidagi}{\mathbf{o}}^{\mathbf{\text{'}}}\mathbf{zaro}{\mathbf{bog}}^{\mathbf{\text{'}}}\mathbf{lanish}$

Detsimetr bilan santimetr orasidagi o'zaro bog'lanishga doir bir nechta misollarni ko`rib chiqamiz.

Misol: $40\mathrm{cm}$ ni detsimetrda ifodalang.

$1\mathrm{dm}=10\mathrm{cm}$ tenglikdan foydalanamiz.

Demak, $40\mathrm{cm}$ $4\mathrm{dm}$ ga teng.

Misol: $4\mathrm{dm}$ ni santimetrda ifodalang.

$1\mathrm{dm}=10\mathrm{cm}$

Demak, $4\mathrm{dm}$ $40\mathrm{cm}$ ga teng.