Piramida — bu asosi ko‘pburchakdan iborat bo‘lgan uch o‘lchovli shakl bo‘lib, uning yon yoqlari har doim uchburchaklardan iborat.

Quyidagi uchburchakli piramida va unga o`xshash bino tasvirlangan.

Piramidalarning nomlanishi ularning asosiga bog`liq. 

Masalan, agar piramidaning asosi uchburchakdan iborat bo`lsa, piramida uchburchakli piramida deb nomlanadi.

Quyidagi jadvalda esa piramidaning nomlari, ko`rinishi va asosi tasvirlangan.

Endi esa piramidaning elementlari bilan yaqindan tanishamiz.

Quyida piramidaning elementlari keltirib o`tilgan.

Bular:

1. Piramidaning uchi
2. Piramidaning qirrasi
3. Piramidaning yon yog`i
4. Piramidaning asosi

Quyidagi rasmda esa uchburchakli piramidaning elementlarini ko`rishingiz mumkin.

Uchburchakli piramidaning uchlari soni $4$ ta, qirralari soni esa $6$ ta.

To`rtburchakli piramidaning uchlari soni $5$ ta, qirralari soni esa $8$ ta.

Piramidaning yoyilmasi — bu piramidani tekis sirtga yoyib chiqarilgan shakli.

Yoyilmada piramidaning asosi va yon yoqlari tasvirlangan bo‘ladi.

Keling, birgalikda quyidagi uchburchakli piramidaning yoyilmasini o`rganamiz.

Piramidaning yoyilmasini chizish uchun uning $1$ ta asosi va $3$ ta yon yoqlarini bir-biriga bog‘lab chizamiz.

Bugun biz piramida , piramidaning turlari , va piramidaning yoyilmasi haqida o‘rganib chiqdik. Sizlar bilan birgalikda quyidagi muhim bilimlarni muvaffaqiyatli egalladik:

1. Piramida — bu asosi ko‘pburchakdan iborat bo‘lgan uch o‘lchovli shakl.
2. Piramidalarning turli xil turlari mavjud: uchburchakli, to‘rtburchakli, beshburchakli va hokazo.
3. Piramidaning yoyilmasi — bu piramidani tekis sirtga yoyib chiqarilgan shakli.

Endi sizlar piramidalar va ularning yoyilmalari haqida bilasiz va ularni turli masalalarda qo‘llay olasiz. Bu sizga hayotda ham, o‘qishda ham katta yordam beradi.

"Matematika bu – olamning tuzilishini anglash kaliti, piramidalar esa uning eng mukammal shakllaridan biridir."

Platon