To‘g‘ri to‘rtburchak — bu to‘rtta tomoni va to‘rtta burchagi bo‘lgan geometrik shakl.

To`g`ri to`rtburchakning quyidagi xossalari mavjud.

• Barcha burchaklari $\mathbf{90}\mathbf{°}$ (to‘g‘ri burchak) bo‘ladi.
• Qarama-qarshi tomonlari bir-biriga teng va parallel joylashgan.

Quyidagi jadvalda to`g`ri to`rtburchak va unga o`xshash buyum tasvirlangan.

Perimetr — bu biror shaklning barcha tomonlarining uzunliklarini qo‘shib hisoblangan natija. Ya’ni, shaklni chizganingizda uning atrofini aylanib chiqqan masofa perimetr deyiladi.

To'g'ri to'rtburchakning perimetri - uning barcha tomonlari yig'indisiga teng.

Masalan, to'g'ri to'rtburchak shaklidagi daftarning perimetrini topamiz.

Daftarning barcha tomonlari yig'indisini topamiz.

$5+6+5+6=22$

Demak, daftarning perimetri $\mathbf{22}$ ga teng.

Yuz — bu shaklning ichki qismi, ya’ni uning tekisligining kattaligi.

To‘g‘ri to‘rtburchakning yuzini hisoblash uchun quyidagi formuladan foydalanamiz: $\mathbf{S}\mathbf{=}\mathbf{a}\mathbf{·}\mathbf{b}$

Bu yerda:

• $a$ — to‘g‘ri to‘rtburchakning bo`yi
• $b$ — to‘g‘ri to‘rtburchakning eni
• $\mathrm{S}$—to`g`ri to`rtburchakning yuzi

Bu mavzuni bilish orqali biz:

• Hayotda atrofimizdagi narsalarning o‘lchamlarini osonroq hisoblaymiz.
• Matematik masalalarni tez va aniq yechishni o‘rganamiz.
• Geometrik shakllarni yaxshiroq tushunamiz.

"Har qanday mukammal muhandislik tuzilishi to‘g‘ri to‘rtburchaklarning uyg‘unligidan tashkil topadi."

Isaak Nyuton